Am 9. Mai 2021 isches los gange nach Moutier, zum zweite Meeting vor Saison.
Am halbi 9ii hi sech alli Athletinne, Trainer u Eltere ufem Märitplatz z Richebach besammlet. Scho denn het d Sunne gschune. Ds Moutier ahcho, himer üs alli ahgmäldet u nes äs schöns Plätzli gsuecht. Scho gli hi die erste Athletinne start gha. Mir hi änand immer luutstark ahgfüret u zuegjublet. U so hets oh mit vilne nüe PBs klappet. Alli sit z friede mit ihrem Wettkampf u ds isch d Houptsach! Oh trotz däm, dases so furchtbar hiess isch gsi. Äs si sicher äs paar chli brun worde;) Zur Belohnig hets de ufem Rückwäg no ä feini Glace gäh, mmmhh! Danke a alli Fahrer, Betreuer, Zueschouer u Athletinne! Äs het gfägt mit euch:))
Text: Anja Blaser